Jezqazǵanda esirtki tasymaldaýshy bolyp jumys istegen qyz on jylǵa sottaldy

<p>ASTANA. KAZINFORM &ndash; 2023 jyldyń tamyz aıynda <a target="_blank">Jezqazǵan</a> qalasynyń <a target="_blank">22 jastaǵy </a>jumyssyz turǵyny ınternet arqyly belgisiz bireýmen tanysqan. Ol buǵan esirtki zattaryn saqtaý úshin tasymaldaýshy bolýdy usynǵan. Bul týraly Joǵarǵy sottyń baspasóz qyzmeti málim etti.</p> <!-- [if !supportLineBreakNewLine]--> <p></p> <!--[endif]-->

Qyzǵa aqsha kerek bolǵandyqtan «kýrator» usynǵan shartqa kelisken. Onyń mindetterine esirtkini qabyldaý, olardy oraý jáne saqtaý, keıinnen oryndalǵan jumystyń kólemine qaraı aqy tóleý kirgen. 

Belgisiz tulǵamen aldyn ala sóz baılasý boıynsha adamdar tobynda áreket ete otyryp (materıaldar jeke óndiriske bólingen), ol paketterdi geolokatsııa boıynsha alyp, olardy býyp-túıip, Jezqazǵan qalasynda 60 paketti satyp, onyń turǵan jerin sýretke túsirgen. Jedel izdestirý is-sharalary barysynda esirtki tasymaldaýshy ustalyp, atalǵan paketter men telefondy qyzmetkerler tárkilegen.

Tergeý barysynda «ketpeý týraly qolhatpen» júrip, ózi úshin esh qorytyndy jasamaı, «kelý mindettemesin» eskermeı, esirtki tasymaldaýshy Shahtınsk qalasyna qashyp ketip, qylmystyq áreketin uqsas shemamen sol jerde jalǵastyrǵan. Alaıda ol ustalyp, onyń turǵylyqty jerinen esirtki zattary, býyp-túıýge jáne býma jasaýǵa arnalǵan qurylǵylar tabyldy.

Qyzǵa elektrondyq aqparattyq resýrstardy paıdalana otyryp, bir top adamdar aldyn ala sóz baılasý arqyly asa iri mólsherde psıhotroptyq zattardy, sol tektesterdi ótkizý maqsatynda zańsyz saqtady degen aıyp taǵyldy (QK-niń 297-babynyń 3-bóliginiń 1), 2), 3 ), 5) tarmaqtary). Onyń kinási kýálardyń aıǵaqtarymen, sarapshylardyń qorytyndylarymen, betbelgilerdiń fotosýretteri tabylǵan telefondardy qaraýmen, kýratormen hat almasýmen jáne basqa da is materıaldarymen dáleldendi.

Sot jaza taǵaıyndaý kezinde mynalardy eskerdi:

- asa aýyr qylmys sanatyna jatatyn jáne qoǵamdyq qaýiptiligi joǵarylatatyn is-árekettiń sıpaty men qoǵamdyq qaýiptilik dárejesi;

- sottalýshynyń tulǵasy, onyń minez-qulqy;

- taǵaıyndalǵan jazanyń sottalǵan adamnyń túzelýine jáne jańa qylmystardyń aldyn alýǵa yqpaly.

Qylmystyq kodekstiń 297-baby 3-bóliginiń 1), 2), 3),5) tarmaqtarynyń sanktsııasynda múlki tárkilenip, 10 jyldan 15 jylǵa deıingi merzimge bas bostandyǵynan aıyrý kózdelgen.

Sottalýshy 10 jylǵa bas bostandyǵynan aıyryldy. Apellıatsııa istiń barlyq mán-jaıyn zerdeleı kele, úkim zańdy jáne jasalǵan qylmysqa sáıkes dep tanydy.

Úkim zańdy kúshine endi.