Jezqazǵanda esirtki satýmen aınalysqan taksı júrgizýshisi ustaldy

<p>JEZQAZǴAN. KAZINFORM &mdash; Ulytaý oblysynda esirtki zattaryn satýmen aınalysqan taksıst ustaldy. Bul týraly Polisia.kz habarlady.&nbsp;</p>

«Jezqazǵan qalasynda Ulytaý oblystyq polıtsııa departamentiniń uıymdasqan qylmysqa qarsy kúres basqarmasynyń qyzmetkerleri kópqabatty úıdiń aýlasynda esirtki zattaryn asa iri mólsherde ótkizgen degen kúdikpen 43 jastaǵy jeńil avtokólik júrgizýshisin ustady», — delingen habarlamada.

Avtokólik quralyn tekserý kezinde polıtseıler jasyl tústi ósimdik tektes untaq zaty bar on eki qaǵaz oramasyn taýyp aldy. Sarapshynyń qorytyndysyna sáıkes, zat jalpy salmaǵy 52 gramnan asatyn «gashısh» esirtkisi bolyp shyqty. 

Ustalǵan adamnyń aıtýynsha, ol taksı júrgizýshisi bolyp jumys isteıdi jáne óziniń negizgi eńbek qyzmeti kezinde esirtki taratýmen aınalysqan. Sotqa deıingi tergeý bastaldy. Kúdikti ýaqytsha ustaý ızolıatoryna qamaldy.