Jezqazǵanda eki jigit MetaGo pıramıdasyn quryp, 68 mln teńgeni qaltasyna basqan

<p>JEZQAZǴAN. KAZINFORM — Qarjylyq monıtorıngi agenttigi Ulytaý oblysy turǵyndaryna qatysty isti tergep bitti. Olar qarjy pıramıdasyn quryp, jarnamalady dep aıyptalyp otyr. </p>

Eki azamat 9 aıdan astam ýaqyt boıy MetaGo qarjy (ınvestıtsııalyq) pıramıdasyn jarnamalaýmen aınalysqan, sondaı-aq onyń Jezqazǵan qalasyndaǵy aýmaqtyq qurylymdyq bólimshesin basqarǵan.

Atalǵan azamattar joǵary tabys ýáde ete otyryp, oblys turǵyndarynyń ınvestıtsııalaryn tartqan.

Sotqa deıingi tergep-tekserý barysynda atalǵan tulǵalardyń zańsyz qyzmetinen túsken tabys somasy 68 mln teńgeden asty, sondaı-aq 37 mln teńgeden astam somaǵa múlikke tyıym salyndy.

QR QPK-niń 201-babyna sáıkes tergeý múddesinde ózge de aqparat jarııalanbaıdy. 

Agenttik azamattardy passıvti kiris pen artyq paıdany ýáde etetin kúmándi ınvestıtsııalyq jobalarǵa senbeýge shaqyrady.

Kompanııanyń senimdiligin Baiqa, piramida! telegram boty arqyly teksere alasyz.

Sondaı-aq agenttiktiń saıtynda qarjylyq pıramıdaǵa uqsaıtyn jobalar tizimi jarııalanady.