Jezqazǵanda 90 myń gektardan astam jer memleketke qaıtaryldy

<p>JEZQAZǴAN. KAZINFORM &ndash; Jezqazǵan qalasynyń aýmaǵynda aýyl sharýashylyǵyna jaramdy bolǵanyna qaramastan paıdalanylmaı jatqan 90 myń gektardan astam jer memleket menshigine qaıtaryldy. Bul týraly qala ákimdiginiń baspasóz qyzmeti málim etti.&nbsp;</p>

«Jezqazǵanda paıdalanylmaı jatqan aýyl sharýashylyǵy jerlerin memleket menshigine qaıtarý jumystary qarqyndy júrgizilip jatyr. 2014 jyly aýmaǵy 90 747 gektar bolatyn jer telimi «Ósimtal» JShS-ne aýyl sharýashylyǵy óndirisin júrgizý úshin berilgen. Alaıda, seriktestik berilgen jerdi maqsatyna saı paıdalanbaǵan. Osynyń eskergen Jezqazǵan qalasynyń jer qatynastary bólimi 2023 jyly sotqa talap aryz túsirgen. Al bıyl atalǵan telim memleket menshigine qaıtaryldy», - delingen ákimdik málimetinde.

Ákimdiktegiler byltyr qala aýmaǵyna kiretin 4 000 gektardan astam jer memleket menshigine qaıtarylǵanyn aıtady.

Bul baǵyttaǵy jumystar áli jalǵaspaq.