Jezqazǵanda 600 mln teńgege salynǵan turǵyn úıge áli eshkim qonystanbaǵan

<p>ASTANA. KAZINFORM &ndash;&nbsp; Joǵary aýdıtorlyq palata tóraǵasy Álıhan Smaıylov Májilistiń jalpy otyrysynda óńirlerge bólingen 5 trln teńge sýbventsııanyń tıimsiz ıgerilip jatqanyn aıtty.</p>

«Ákimdikterge óńirdegi mindetterin sheshý úshin derbestik berildi. Degenmen jekelegen jaǵdaılarda qarajattyń ortalyq deńgeıde joǵary ıgerilýi óńirlerde tómen nátıje kórsetip otyr. Óńirlerge beriletin sýbventsııalar shamamen 5 trln teńge bolyp otyr. Olar sońǵy 3 jylda eki eseden artyq ósken. Oryndalýy 98%-dan joǵary bolyp otyrǵan nysanaly transfertter de shamamen taǵy 2 trln teńge boldy. Al is júzinde qalaı? Іs júzinde bıýdjettik tártip tómen deńgeıde», - dedi palata basshysy.

Joǵary aýdıtorlyq palata Abaı, Jetisý, Ulytaý jáne Almaty oblystarynda aýdıt júrgizip, bıýdjetten qarjylandyrylatyn ınvestıtsııalyq jobalardyń 27%-ynda qurylystyń normatıvtik merzimi saqtalmaǵany anyqtaǵan. Tipti keıbir jobalardyń iske asyrylýy 10 jylǵa deıin sozylyp ketken. Ýaqytynda aıaqtalmaǵan jobalardyń 60%-dan asa qymbattaǵan.

«Osy tórt óńirde oryndalmaǵan jumystarǵa 3,4 mlrd teńge tólem jasalǵan. Sondaı-aq óńirlerde óte mańyzdy jáne qajetti obektilerdiń maqsatyna saı paıdalanylmaý faktileri bolyp otyr. Mysaly, Semeı qalasynda 2023 jyly 1,7 mlrd teńgege salynǵan «Ortalyq» qazandyǵy janar-jaǵarmaı stantsııasyna jaqyn ornalasqandyqtan, paıdalanylmaı tur. Jezqazǵan qalasynda 2023 jyly shamamen 600 mln teńgege salynǵan turǵyn úıge áli kúnge deıin eshkim qonystanbaǵan», - dedi Álıhan Smaıylov.