Jezqazǵanda 54 jer telimi memleketke qaıtaryldy

<p><strong>JEZQAZǴAN. KAZINFORM &mdash; </strong>Jezqazǵan qalasynyń prokýrorlary jalpy aýdany 4 gektar bolatyn 54 jer telimin memleketke qaıtardy.</p>

Bul jerler uzaq ýaqyt ıgerilmeı, maqsatyna saı paıdalanylmady.

«Eger qurylysqa arnalǵan jer ýchaskesi ony berý týraly sheshim qabyldanǵan kúnnen bastap úsh jyl (eger jobalaý-smetalyq qujattamada anaǵurlym uzaq merzim kózdelmese) ishinde maqsaty boıynsha paıdalanylmaǵan jaǵdaıda, Qazaqstan Respýblıkasy azamattarynyń jeke turǵyn úı qurylysy úshin jeke menshigindegi jer ýchaskesin qospaǵanda, jer ýchaskesi májbúrlep alyp qoıýǵa jatady», - delingen Ulytaý oblysy prokýratýrasy habarlamasynda.

Jer ýchaskeleriniń kadastrlyq quny 86,5 mln teńgeden asady. Prokýratýranyń qadaǵalaý aktisine sáıkes ýákiletti organ jerdi memleketke qaıtardy, kináliler jaýapqa tartyldy.

Jezqazǵanda qoǵamdyq oryndy lastaǵandarǵa baqylaý kúsheıgenin jazǵan bolatynbyz.