Jezqazǵanda 41 jastaǵy áıel sýǵa batyp ketti

JEZQAZǴAN. QazAqparat – Jezqazǵanda qutqarýshylar qala mańyndaǵy sý qoımasynan 41 jastaǵy áıeldiń denesin alyp shyqty. Qazirgi ýaqytta qaıǵyly oqıǵanyń mán-jaıy anyqtalyp jatyr, dep habarlaıdy QazAqparat tilshisi.

Qaıǵyly oqıǵa keshe 19 shildede Keńgir sý qoımasynda bolǵan.

«Ulytaý oblysynyń Jezqazǵan qalasynda Keńgir sý qoımasyna TJD kúshimen 1981 jyly týǵan áıeldiń denesi sýdan shyǵaryldy», - dep habarlady Qaraǵandy oblysy TJD baspasóz qyzmeti.

Qazir áıeldiń óliminiń mán-jaıy anyqtalyp jatyr.

Qutqarýshylardyń málimetinshe, osy shomylý maýsymynda sýǵa ketkenderdiń sany 12 adamǵa jetti, onyń ishinde beseýi - jasóspirimder.

Ulytaý oblysynda buǵan deıin sýǵa batyp ketken eki qyzdyń denesi tabylǵan bolatyn.

Olar Aqtaý aýylynan 20 shaqyrym jerdegi sý qoımasynan tabyldy. Mektep oqýshylary 10 jáne 12 jasta edi.

Birinshi qyzdyń denesin balyqshy, ekinshisin qutqarýshylar tapqany habarlanǵan bolatyn.