Jezqazǵanda 100 jastaǵy qarııa daýys berdi

JEZQAZǴAN. QazAqparat - Jezqazǵan qalasynda 100 jastaǵy qarııa belsendilik tanytyp, óz tańdaýyn jasady, dep habarlaıdy QazAqparat.

Qala ákimdiginiń baspasóz qyzmetinen málim etkendeı, búgin Jezqazǵan turǵyndary qoǵamdyq kólikpen tegin qatynaıdy. Al qandaı da bir sebeppen saılaý ýchaskelerine kele almaǵan daýys berýshilerge kóshpeli jáshikter aparyldy.

Jezqazǵanda 18 jasqa tolǵan 209 jas alǵash ret daýys berse, ǵasyr jasaǵan 3 qarııa da saıası naýqanda óz azamattyq ustanymyn kórsetti.

Solardyń biri - 100-degi Aıtqurman Qurmanbaev 8 baladan 35 nemere, 40-shóbere jáne 10-shópshek súıip otyr.

«Men balalarǵa, aǵaıyn-týysqa habarlasyp, daýys berý qajettigin qatty-qatty eskerttim. Qazaq memleketin joǵary kóterý úshin úles qosyńdar dep aıtyp jatyrmyn. Qazaqstannyń bedeli artyp, búkil álemge tanyla túsýin qalaımyn. Bar tileýimiz sol», - dedi Aıtqurman Qurmanbaev.