Jezqazǵan JEO-synda 5 qazandyqtyń úsheýi isten shyqty

<p>Jezqazǵan ákimi Qaırat Shaıjanov qaladaǵy Jylý energııa ortalyǵyndaǵy (JEO) qazandyqtardyń toqtap qalýy týraly túsinikteme berdi. Qazirgi tańda Ulytaý oblysynyń ortalyǵynda 5 qazandyqtyń tek úsheýi ǵana jumys istep tur, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

Qazirgi ýaqytta JEO-da 2 qazandyq qana jumys istep tur, jylý jelilerindegi temperatýra normadan 10 gradýs tómen, ıaǵnı qalypty 73 gradýstyń ornyna, bizde 63 gradýs.

«Keshe keshke №4 qazandyqta jaryqsha paıda boldy. Aqaý anyqtalǵannan keıin qazandyq óshirilip, mamandar jóndeýge kiristi. Qazandyq búgin saǵat 20:00-ge deıin qaıta iske qosylatyn bolady. Búgin saǵat 7:15-te №5 qazandyqta taǵy bir jaryqsha anyqtaldy. Bul jóndeý jumystary tańerteń aıaqtalady dep kútilýde. №6 qazandyq búgin saǵat 10:15-te isten shyqty, tútin sorǵysh qozǵaltqyshy isten shyqqan. Atalmysh qazandyq búgin tún ortasyna deıin qalypqa keltiriledi dep kútilýde», - dep málimdedi qala ákimi Qaırat Shaıjanov.

Qala basshylyǵy osy túnde 4 qazandyq jumys istep, temperatýra qalypqa keledi dep ýáde berip otyr. JEO mamandary tańerteń 10.00-de 5-shi qazandyqty iske qosýdy josparlap otyr.