Jezqazǵan-Ulytaý tasjolynda turyp qalǵan avtobýstan 23 adam evakýatsııalandy
20:24, 08 Qańtar 2023
ASTANA. QazAqparat – Búgin 23 jolaýshysy bar avtobýs Jezqazǵan-Ulytaý tasjolynda turyp qaldy, dep habarlaıdy QazAqparat Tótenshe jaǵdaılar mınıstrligine silteme jasap.
Jezqazǵan qalasynan shyqqan qoǵamdyq kólik kún raıynyń qolaısyzdyǵyna jáne kólik quralynyń tehnıkalyq aqaýyna (áınek tazalaǵyshtary synǵan) baılanysty mejeli jerge jete almady.
Ulytaý oblysy TJD jáne PD qyzmetkerleri barlyq jolaýshylardy Ulytaý aýylyna jetkizdi. Adamdardy evakýatsııalaý úshin Ulytaý aýdany ákimdiginen 1 tehnıka (vahtovka) berildi. Zardap shekkender joq, evakýatsııalanǵandarǵa medıtsınalyq kómek qajet bolmady.