«Jezqazǵan – Petropavl» tas jolynda adam qaǵyp, mert qylǵan júrgizýshi ustaldy

<p>KÓKShETAÝ. KAZINFORM &ndash; Aqmola oblysy aýmaǵynda &laquo;Jezqazǵan &ndash; Petropavl&raquo; tas jolynda adamdy qaǵyp mert qylyp, artynsha oqıǵa ornynan qashyp ketken júrgizýshi ustaldy.</p>

Aqmola oblysy PD baspasóz qyzmetiniń málimetinshe, qaıǵyly jaǵdaı bıyl 16 shildede Jarqaıyń aýdanynyń Prıgorodnoe aýyly mańynda bolǵan. Oqıǵa ornyna jetken tártip saqshylary avtokóliktiń soqtyǵysýy ólimniń sebebi bolýy múmkin ekendigin jáne oqıǵa ornynan belgisiz kólik quralynyń synyqtary men izderin anyqtady.

Jedel-izdestirý is-sharalary barysynda polıtsııa qyzmetkerleri kúdiktini anyqtady. Ol Prıgorodnoe aýylynyń 24 jastaǵy turǵyny bolyp shyqty. Er adam jolda belgisiz adamdy qaǵyp, artynsha oqıǵa ornynan qashyp ketkenin rastady.

«Qazirgi kezde avtokólik tárkilenip, kináli júrgizýshiniń ústinen Qylmystyq kodekstiń 345-baby 3-bóligi (kólik quraldaryn basqaratyn adamdardyń abaısyzda adam ólimine ákep soqqan jol erejesin buzýy) jáne Qylmystyq kodekstiń 347-baby (JKO bolǵan jerden ketip qalý) boıynsha is qozǵalyp, tergeý amaldary júrgizilip jatyr. Sonymen birge, tıisti saraptamalar taǵaıyndaldy», - dedi vedomstvodan.

Aıta ketsek, budan buryn Aqmola oblysynda júk kóligi joldyń shetinde turǵan jeńil kólikke soǵylǵanyn jazǵan edik.