«Jezqazǵan-Petropavl» avtojolynda kólik qozǵalysy shekteldi
«10 sáýirde Soltústik Qazaqstan oblysynda Esil ózeninde sý deńgeıiniń kóterilýinen jáne erigen qar sýynyń saldarynan, ıaǵnı, respýblıkalyq mańyzy bar A-16 «Jezqazǵan-Petropavl» tas jolynyń júrý bóligin sý alýyna baılanysty A-16 «Jezqazǵan-Petropavl» tas jolynyń 869-875 shaqyrymynda kólik quralynyń barlyq túrinńǵ qozǵalysyna shekteý engizildi. Ol SQO Esil aýdanynyń Amangeldi aýylynyń burylysynan bastap Pokrovka aýylyna deıingi aralyqty qamtıdy», - delingen habarlamada.
Tımırıazevo, Shal aqyn jáne Ǵ.Músirepov aýdanynyń turǵyndaryna R-60 «Voloshınka-Sergeevka-Tımırıazevo» (Voloshınka aýyly) tas joly arqyly oblys ortalyǵyna jetýge bolatynyn habarlaımyz. 2024 jylǵy 10 sáýirde saǵat 11:00-ge deıin R-60 tas jolynyń 2 shaqyrym quraıtyn ýchaskesinde jóndeý jumystary sátti aıaqtaldy. Ary qaraı jol marshrýty R-59 «Voloshınka-Korneevka-Roşınskoe» (Korneevka aýyly) tas joly arqyly jalǵasyp, KT-29 «Pokrovka-Korneevka-Gornoe» (Pokrovka aýyly) oblystyq jolymen A-16 «Jezqazǵan-Petropavl» avtomobıl jolyna túsip, Petropavl qalasyna jetýge bolady.