Jezqazǵan-Qyzylorda avtojolynyń qurylys jumystary bastaldy

<p>&laquo;QazAvtoJol&raquo; UK&raquo; AQ basqarma tóraǵasy Darhan Imanashev Ulytaý oblysyna issapar barysynda &laquo;Jezqazǵan-Qyzylorda&raquo; respýblıkalyq mańyzy bar avtomobıl jolynyń qurylys jumystarynyń barysyn qadaǵalap, oblys ákimi Dastan Ryspekovke avtojoldyń qaıta jańartý jobasyn tanystyrdy.</p>

Memleket basshysy Qasym-Jomart Toqaevtyń tapsyrmasyn oryndaý maqsatynda «QazAvtoJol» ulttyq kompanııasy uzyndyǵy 208 shaqyrymdy quraıtyn «Jezqazǵan-Qyzylorda» jobasyn oryndaýǵa kiristi.

«Jalpy uzyndyǵy 426 shaqyrymdy quraıtyn «Qyzylorda-Jezqazǵan» avtojolynyń qaıta jańartý jobasy Ulytaý jáne Qyzylorda oblystary arqyly ótedi. Ulytaý oblysy boıynsha qaıta jańartý jumystary aıasynda joldy ІІІ tehnıkalyq sanattan ІІ tehnıkalyq sanatqa aýystyrýdy josparlap otyrmyz», - dep habarlady «QazAvtoJol» basshysy.

Esterińizge sala keteıik, Qyzylorda oblysynda «Qyzylorda-Jezqazǵan» avtojolynyń 12-216 shaqyrymynda qaıta jańartý jumystary júrip jatyr. Onyń jalpy uzyndyǵy 192 shaqyrymdy quraıdy, 2023 jyly 80 shaqyrymyna asfaltbeton jabyny tóseldi. Qurylys nysandarynda qýattylyǵy 1,3 myń tonna/saǵ asatyn 7 asfaltbeton zaýyt, 824 jumysshy men 428 jol tehnıkasy jumyldyryldy.

Ulytaý oblysy boıynsha «Jezqazǵan-Qyzylorda» avtojolynyń 216-424 shaqyrymy aralyǵyndaǵy ýchaskesin 2026 jyldyń sońyna deıin aıaqtaý josparlanyp otyr.