Jeıde túktenip ketti, krossovkıden shýash juqtyrýǵa bolady – Taǵy bir Azıada sportshysy kıim sapasyn synǵa aldy

<p>Azııa oıyndaryna kıbersport boıynsha qatysyp jatqan Ánýar Halyqbergenov sporttyq forma sapasyn synǵa aldy. Bul týraly QazAqparat ZTB.KZ jelilik basylymyna siltememen habarlaıdy.</p>

«Kóptegen adam formanyń sapasy sonshalyqty tómen be dep surap jatyr. Iá, bári shyndyq. Salystyrmaly túrde polo jeıde ǵana kóńilden shyqty, onyń da matasy tútile bastady. Fýtbolkadaǵy kók tý emblemasynyń jelimi ajyrap jatyr. Sondyqtan kımeı júrmin, jyly koftamen júrýge týra keldi. Maǵan berilgen shorty ólshemi óte úlken, shalbar sııaqty kórinedi. Men esh júgirmeıtin, bir orynda otyratyn sport túri boıynsha synǵa túsip jatyrmyn, sonda da kıimder bir-eki kúnde tozyp ketti», - deıdi Á. Halyqbergenov.

Sondaı-aq, kıbersportshy ózine berilgen krossovkıdi 5 kún kıgenin, onyń da jelimi ajyrap, zeń juqtyrý qaýpi bar ekenin aıtty.

Ánýardyń aıtýynsha, formany Qazaqstannyń kıbersport federatsııasy ázirlegende mundaı máseleler týyndamaıtyn.

«Basqa elderden kelgen sportshylardyń kıimi sapaly, tanymal brend ónimderi», - dep tolyqtyrdy ol.

Aıta keteıik, buǵan deıin taý velosıpedshisi Alına Sarqulova sporttyq formanyń sapasyz ekenin, bir ret kııýge jaraıtynyn aıtyp shaǵymdanǵan edi.

Týrızm jáne sport mınıstrligi sporttyq formanyń sapasyna qatysty túsinikteme berdi. Qoldanystaǵy qaýlyǵa sáıkes, sporttyq kıim-keshek otandyq taýar óndirýshilerden satyp alynýy kerek.