Jetisýda vagonnan kúkirt qyshqyly tógilgende evakýatsııalanǵan 46 adam úıine oraldy

<p>KERBULAQ. KAZINFORM &mdash; Jetisý oblysy Kerbulaq aýdanynda 46 adam, onyń ishinde 18 bala úılerine oraldy.</p>

Eske sala keteıik, búgin Jetisý oblysy Kerbulaq aýdany Malaısary temirjol vokzalynda vagon tsısternasynan dıametri 25 mm bolatyn apattyq klapannan kúkirt qyshqyly aqqan edi. 

Vagon-tsısternany salqyndatyp, osyndaǵy 10 úıde turatyn 46 adam evakýatsııalanǵan. 

Qaza tapqandar men zardap shekkender joq.

Qazir vagon-tsısterna Malaısary vokzalynan qaýipsiz jerge — 1 shaqyrym qashyqtyqqa súırelgen. 

Oblystyq sanıtarlyq-epıdemıologııalyq baqylaý departamenti qyzmetkerleri topyraq pen aýaǵa zerthanalyq zertteý júrgizip, synamanyń qalypty shekte ekenin anyqtady.

Kerbulaq aýdanynyń RHZ qorǵaý qyzmeti jergilikti atqarýshy organdarmen birlesip zalalsyzdandyrý sharalaryn júrgizip jatyr.