Jetisýda úshem dúnıege keldi

<p>TALDYQORǴAN.KAZINFORM &ndash; Jetisý óńiriniń turǵyny úshem dúnıege ákelip, kóp balaly ana atandy. Bul oblys qurylǵannan beri ómirge kelgen alǵashqy úshem. &laquo;Ańsaǵan Sábı&raquo; memlekettik baǵdarlamasy taldyqorǵandyq kelinshekke qaıta ana atanýǵa kómektesti.&nbsp;</p>

Atalǵan baǵdarlama aıasynda oblysqa ótken jyly ekstra korporaldy uryqtandyrý protsedýralaryna arnalǵan 221 kvota bólinse, bıyl 217 kvota berilgen. Úshem 10 qańtar kúni Taldyqorǵan qalasyndaǵy oblystyq perınataldyq ortalyqta kesar tiligi arqyly dúnıege keldi. 31 aptada týǵan nárestelerdiń salmaǵy nebári 1400-1850 gramm boldy. Olardyń boıy 39-41 santımetr shamasynda. Dárigerlerdiń kómeginiń arqasynda sábıler salmaq qosyp, búgin perzenthanadan aman-esen shyǵaryldy. Qyzdyń atyn ata-analary Zeınep, uldaryna Zeıin men Zeınur qoıǵan.

«30 apta 5 kún degende sábıler ómirge keldi. Balalar shala týyldy: eki ul jáne bir qyz, salmaǵy 1800, 1850 jáne 1400 gramm. Náresteler týǵannan keıin birden jansaqtaý bólimine jatqyzdyq, sebebi jaǵdaıy aýyr, úsh kún apparatta boldy. Barlyq qajetti medıtsınalyq protsedýralardy ótkizip, olar medbıkeniń ekinshi kezeńine aýystyryldy. Al, bir aıdan sál astam ýaqyt ótkende, sábılerdi úıine jiberdik. Olardyń shyǵarylǵan kezdegi salmaǵy qazirdiń ózinde 1800 jáne 2100 gramm boldy», deıdi shtattan tys neonatolog, Taldyqorǵandaǵy oblystyq perınataldyq ortalyqtyń bólim meńgerýshisi Danııar Rasýlov.

Jas jubaılar 28 jastaǵy Samal Amanjolova men 33 jastaǵy Ernur Dúmbergenov 10 jasar qyz tárbıelep otyr. Qazir onyń 2 inisi men qaryndasy bar.

Foto: Oblystyq densaýlyq saqtaý basqarmasynyń baspasóz qyzmeti

«Bul josparly, kópten kútken balalar. Úshemdi dúnıege ákeletinimizdi ÝZI arqyly bildik. 10 jasar qyzymyz bar. Osydan keıin birneshe jyl boıy júkti bolý múmkin bolmady. Biz eki jyl emdeldik, sodan keıin eki ret EKU jasadyq. Júktilik jaqsy ótip jatty, biraq 7 aıda asqynýlar bastalyp, shuǵyl túrde kesar tiligin jasatýǵa týra keldi. Ota jasaǵan dárigerim, akýsher-gınekolog Rahmetova Zeınegúl Beısenǵalıqyzyna myń alǵys. Operatsııa ústelinde jatqanda men qatty qoryqtym» - deıdi kópbalaly ana.

Onyń aıtýynsha, dárigerler bilikti bolmaǵanda balalardyń aman-saý qalýy ekitalaı edi. Qan qysymy kóterilgende mamandar motıvatsııa berip, kelinshektiń bar jaǵdaıyn jasaǵan. Sol úshin balalardyń ákesi kishigirim syı-sııapat jasady. Oblystyq densaýlyq saqtaý basqarmasynyń ókilderi de otbasyn qýanyshpen quttyqtap, emdelýge arnalǵan balalar kıimderiniń jıyntyǵyn tabys etti.

Oblystyq perınataldyq ortalyqtyń bólim meńgerýshisi Zeınegúl Beısenǵalıqyzy atap ótkendeı, óziniń dárigerlik tájirıbesinde bul úshinshi úshem.

«Rezıdentýrany bitirgennen keıin Almatyda bir jyl jumys istedim. Osy ýaqyt ishinde eki ret úshemderdi dúnıege ákelgen áıelderdi bosandyrdym. Meniń Taldyqorǵan qalasyndaǵy oblystyq perınataldyq ortalyqta jumys istep jatqanyma 5 jyl boldy.  Jalpy dárigerlik tájirıbem 10 jylǵa jýyqtady. Bosandyrý qıyn boldy, biraq ortaq kúsh-jigermen bári oıdaǵydaı boldy» - deıdi perınataldyq ortalyqtyń bólim meńgerýshisi. 

Resmı derekke sensek, jyl basynan beri Jetisý óńirinde 977 bala dúnıege kelgen. Olardyń ishinde úsheýi egiz.