Jetisýda 30 jyldan beri jóndelmegen jolǵa asfalt tóseldi

<p>TALDYQORǴAN. KAZINFORM &mdash; Jetisý oblysynda shalǵaıdaǵy Kópbirlik aýylyna aparatyn joldyń jóndeý jumystary aıaqtaldy. Táýelsizdik alǵaly beri tas joldyń taýqymetin tartyp kelgen el oblys pen aýdan ortalyǵyna endi taqtaıdaı tegis asfaltpen baratyn boldy.</p>

«Úshtóbe — Almaly — Kópbirlik» avtomobıl jolynyń jalpy uzyndyǵy 176 shaqyrym. Onyń 137 shaqyrymy jóndelgen. Qalǵan bóligi qanaǵattanarlyq jaǵdaıda júrýge jaramdy. Jyl sońyna deıin jóndeý jumystary jalǵasady.

«Úshtóbe — Almaly — Kópbirlik jolynyń barlyq atalǵan ýchaskelerine asfalt tóseldi. Jobanyń quny 4,9 mlrd. teńgeden asady. Jol 3-shi sanatty, júrý bóliginiń eni 7 metr. Qazirgi kezde abattandyrý jumystary júrip jatyr. Atap aıtqanda, jol jıegi nyǵaıtylyp, belgiler ornatylýda. Jumystar 10 qarashaǵa deıin bitedi. Jóndeý jumystary trassanyń ekinshi jáne úshinshi ýchaskelerinde de aıaqtaldy. Bul nysandar paıdalanýǵa berildi» — deıdi oblystyq jolaýshy kóligi jáne avtomobıl joldary basqarmasynyń basshysy Ǵalymjan Dáribaev.

Qaratal aýdanyna jumys saparymen barǵan oblys ákimi Beıbit Isabaev ta qurylys jumystaryn kórip qaıtty dep habarlaıdy Jetisý oblysy ákiminiń baspasóz qyzmeti. Ákim jóndeý jumystarynyń sapaly atqarylǵanyn atap ótip, merdiger kompanııanyń jumysshylaryna isti ýaqytyly aıaqtaǵany úshin rızashylyǵyn jetkizdi.

Foto: Jetisý oblysynyń ákimdigi

 

«Halyqpen kezdesý kezinde turǵyndar Kópbirlik aýylyna baratyn joldyń máselesin kótergen bolatyn. Osyǵan baılanysty joldy jóndeýge qatysty naqty sharalar qabyldadyq. Qazir jol tolyq jóndelip bitti. Bul trassamen júk kólikteri kóp júrmeıtindikten jáne jumys sapaly oryndalǵandyqtan, jol keminde on jyl qyzmet etedi. Kópbirlik — shalǵaıda jatqan aýyl. Aldymen onyń jolyn jasadyq, sosyn aýyz sý sapasyn jaqsarttyq. Bizdiń budan ári de shalǵaıdaǵy jáne shekaralyq aýyldardy damytýǵa baǵyttalǵan naqty josparlarymyz bar» — dedi oblys ákimi Beıbit Isabaev.

Kópbirlik, Baıshegir syndy shalǵaıdaǵy aýyl turǵyndary da kópten kútken joldyń qurylysy bitkenine dán rıza.

«Ózim Baıshegir aýylynda turamyn. Otyz jyl kóleminde jolymyz jóndeý kórmedi. Bizdiń de, Kópbirlik aýyly turǵyndarynyń da joldyń sapasyna kóńilimiz toldy. Qazir men sııaqty kólik júrgizýshileri aýdan ortalyǵyna 1 jarym saǵatta jetemiz» — deıdi Tútintaı Músápirov.

Atap ótsek, kelesi jyly «Úshtóbe — Almaly — Kópbirlik» jolynyń 145-shi ýchaskesindegi Almaly kópiri jańǵyrtylady. Eske salaıyq buǵan deıin

Alakól aýdanynda úsh aýyldyń jol azabyn tartyp otyrǵanyn jazǵanbyz.