Jetisýda 2 iri esirtki zerthanasy joıyldy

<p>TALDYQORǴAN. KAZINFORM &mdash; Jetisý oblysy prokýratýrasynyń úılestirýimen Ulttyq qaýipsizdik jáne polıtsııa departamentterimen sıntetıkalyq esirtki óndiretin 2 jasyryn zerthananyń joly kesildi. Sot sanktsııasymen 5 adam qamaýǵa alyndy.</p>

Jetisý oblystyq prokýratýrasy taratqan málimetke súıensek zańsyz aınalymnan 10 keliden astam «mefedron», 5 kelideı suıyqtyq (krıstaldaný protsesinde), 200 lıtr prekýrsorlar, elektrondy tarazylar, sıntetıkalyq esirtki óndirý nusqaýlary bar dápter, suıyqtyq quıylǵan kanıstrler, sondaı-aq «sıntetık» óndirýge arnalǵan qurylǵylar tárkilendi.

— Sottyń sanktsııasymen 5 adam qamaýǵa alyndy, onyń 2- i shetel azamattary. Qylmystyq kodekstiń 297-baby boıynsha sotqa deıingi tergeý amaldary júrgizilýde. QPK-niń 201-babyna sáıkes basqa málimetter jarııa etilmeıdi, — dedi Jetisý oblysynyń prokýratýrasy.

Eske salaıyq osyǵan deıin Jetisýda 2024 jyly 700 kelige jýyq esirtki tárkilengenin jazǵanbyz.