Jetisý óńirinde aýyl turǵyndary qarjy jınap, kópir saldy

<p>TALDYQORǴAN. KAZINFORM - Panfılov aýdanyndaǵy eki aýyldyń turǵyndary birigip, óz qarjylaryna kópir saldy. Joba quny shamamen 16 mln teńgege shyqqan.</p>

Qos aýyldy bólip jatqan Ósek ózeninde buryn kópir bolmaǵan. 

Dıqanqaırat aýylynyń turǵyndary Sholaqaıǵa jetý úshin 20 shaqyrym aınalyp ótýge májbúr edi. Jańa kópir joldy 3 shaqyrymǵa deıin qysqartyp, eldi mekender arasyndaǵy qatynasty edáýir jeńildetken.

Kópir qurylysy kóktemde bastalǵan. Aýyl turǵyndary qarajat jınap qana qoımaı, qurylys jumystaryna da belsendi qatysqan.

- Kópirdiń negizgi uzyndyǵy 18 metr. Al ózen arnasynyń eki jaǵymen qosa 400 metr bolady. Munda tasqyn sýdan qorǵaý úshin qosymsha bógen de qarastyrylǵan. Jalpy smetalyq qujat boıynsha 16 mln teńge shamasynda qarjy jumsaldy.

Aýyl turǵyndarynan 2 mln teńgege jýyq qarjy jınalǵan. Odan bólek, aýyl azamattary arnaıy tehnıka, basqa da qajetti materıaldardy ózderi shyǵaryp, jóndeý jumystaryn júrgizgen,- dedi Panfılov aýdanynyń baspasóz qyzmeti.

Eske salaıyq osyǵan deıin Jetisý oblysynda 72,5 mln teńgeniń gaz qubyryn urlaǵan kúdiktilerdiń ustalǵanyn jazǵanbyz.