Jetisý oblysynyń Sarqan aýdanynda jańa mektep ashyldy

<p>Jetisý oblysynyń Sarqan aýdanynda jańa mektep qoldanysqa berildi. 120 oryndyq jańa mekteptiń janynda 25 balaǵa arnalǵan shaǵyn ortalyq ta bar. Buǵan deıin eski ǵımaratta qysylyp oqyp kelgen Birlik aýylynyń balalary laıyqty bilim alýǵa jasalǵan múmkindikke dán rıza, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Jańa mektepte sapaly bilim alý úshin barlyq jaǵdaı jasalǵan. Oqý ordasynda hımııa, fızıka, ınformatıka, IT-kabınet, barlyǵyn qosqanda 18 oqý kabıneti, sondaı-aq 30 oryndyq ashana jáne úlken sport zaly bar. Onymen qosa oqýshylarǵa qolaıly bolý úshin úsh qabatty ǵımarat lıftpen jabdyqtalǵan. Kedergisiz orta qalyptastyrý úshin ǵımarattyń kireberisinde kótergish qurylǵy da qoıylǵan eken.

«Bilim berý isi qaı ýaqytta da, qaı ǵasyrda da qoǵam damýy men turaqtylyǵynyń negizgi ólshemi bolyp qala beredi. Búgingi shákirt – erteńgi maman, elimizdiń gúldenip, ósýine, órkendeýine úles qosatyn basty tulǵa. Memleket basshysynyń ıgiligin kózdegen salıqaly saıasatynyń arqasynda bilim berý jáne áleýmettik salalarǵa jasap otyrǵan qamqorlyǵy ushan-teńiz. Sonyń bir kórinisi – búgin Birlik aýylynda jańadan ashylǵan bilim ordasy», - deıdi Sarqan aýdanynyń ákimi Ǵalymjan Mamanbaev.

Foto: Sarqan aýdany ákimdigi