Jetisý oblysynyń prokýrorlary 3 mlrd teńgeniń memlekettik satyp alý protsesin toqtatty

<p>Jetisý oblysynyń prokýrorlary memlekettik satyp alý salasyndaǵy buzýshylyqtar úshin 74 laýazymdy adamdy jaýapqa tartty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> oblystyq prokýratýranyń <a href="https://www.gov.kz/memleket/entities/prokuratura-zhetysu/press/news/details/631812?lang=kk" target="_blank" rel="noopener">baspasóz</a> qyzmetine silteme jasap.</p>

Baspasóz qyzmetiniń málimetterine qaraǵanda, tek bıyldyń ózinde Jetisý oblysynyń prokýratýrasy 3 mlrd teńgeden astam somaǵa memlekettik satyp alý protsesin toqtatty.

Memlekettik organdar negizinen áleýetti ónim berýshilerdiń biliktilik talaptaryn negizsiz asyra baǵalap, mindetti memlekettik saraptamasyz avtojoldar salýǵa konkýrstar jarııalady jáne t. b.

Prokýratýra ókilderi 85 mln teńgeniń satyp alý prtsesin ótkizýdiń aldyn aldy. Olar boıynsha memlekettik organdar «bir kózden alý» tásilimen negizsiz qorytyndy jasaýǵa tyrysqan.

Tek bir Alakól aýdanynda prokýratýranyń qadaǵalaý aktileri boıynsha 10 laýazymdy tulǵa jaýapqa tartyldy, onyń ishinde 4 aýyldyq okrýg ákimi bar.

Prokýrorlyq qadaǵalaý aktileri boıynsha memlekettik jáne jergilikti atqarýshy organdardyń 74 laýazymdy tulǵasyna ÁQBtK-niń 207-baby (Memlekettik satyp alýdy buzý) boıynsha jalpy somasy 13 mln teńgege aıyppul salynyp, ákimshilik jaýapkershilikke tartyldy.