Jetisý oblysynyń polıtsııasy Taldyqorǵandaǵy «atysqa» qatysty túsinikteme berdi

<p>TALDYQORǴAN. KAZINFORM &ndash; Áleýmettik jelide Taldyqorǵannyń ortalyǵynda jasóspirimder oq atty degen aqparat tarady. Jetisý oblystyq polıtsııa departamenti túsinikteme berdi.</p>

Telegram arnalarynyń birinde oqıǵa ornynan birneshe er adam men polıtsııa qyzmetkeriniń sýreti paıda boldy.

«Taldyqorǵandyq jasóspirimder qala ortalyǵynda kóńildi atys uıymdastyrdy», - delingen habarlamada.

Polıtsııa departamentiniń málimetinshe, er adamdar tóbelesken.

«Polıtsııa qyzmetkerleri tóbeleskenderdi anyqtady. Zardap shekkender joq. Qajetti saraptamalar taǵaıyndalyp, sotqa deıingi tergeý bastaldy», - dep atap ótti oblystyq polıtsııa departamentiniń baspasóz qyzmeti.