Jetisý oblysynyń qutqarýshylary júkti áıeldi qar qursaýynan qutqardy

<p>14 jeltoqsan kúni aýa raıynyń qolaısyzdyǵyna, aq tútek boranǵa baılanysty &laquo;Úsharal-Dostyq&raquo; avtojolynda Dostyq beketi jaǵynan 8-ge jýyq júk jáne 5 jeńil avtokólik, Aqshı aýyly jaǵynan 2 júk jáne 2 jeńil avtokólik turyp qaldy. Bul týraly <a href="https://kaz.inform.kz/" target="_blank" rel="noopener">Kazinform</a> Tótenshe jaǵdaılar mınıstriligine silteme jasap habarlaıdy.&nbsp;</p>

Avarııalyq-qutqarý jumystary kezinde Jetisý oblysy TJD qutqarýshylary qar qursaýynda qalǵan avtokólikti joldyń tazartylǵan ýchaskesine súırep shyǵardy. Kólikte tolǵatyp otyrǵan 1989 jyly týǵan júkti áıel bolǵan. Evakýatsııadan keıin avtokólik Úsharal qalasynyń perzenthanasyna jol tartty. 

Qazirgi ýaqytta qar qursaýynan 43 adam, onyń ishinde 4 bala qutqaryldy. Avarııalyq- qutqarý jumystary jalǵasyp jatyr. 

Jetisý oblysynyń Tótenshe jaǵdaılar departamenti azamattarǵa aýa raıyna qatysty málimetterdi oqyp otyrýǵa keńes beredi. Daýyldy eskertý týraly habarlamalarǵa qulaq asyp, qajetti saqtyq sharalaryn saqtańyzdar. Tótenshe jaǵdaı týyndaǵan jaǵdaıda 112 nómirine qońyraý shalyńyzdar.

Alys jolǵa shyqpas buryn, Qazavtojoldyń resmı saıtyndaǵy avtojoldardyń jabylýy týraly aqparatpen tanysyńyzdar.