Jetisý oblysynyń Qaratal aýylynda jańa mektep ashyldy

<p>TALDYQORǴAN. KAZINFORM &ndash; Búgin Bilim kúninde Jetisý oblysynyń Kóksý aýdany Qaratal aýylynda jańa mektep iske qosyldy. Jıyrma bes balaǵa arnalǵan mektepke deıingi shaǵyn ortalyǵy bar 120 oryndy Qaratal mektebinde 1-11 synyptarda 100-den astam bala oqıtyn bolady. Burynǵy mektep 1970 jyldary salynǵan, beıimdelgen ǵımaratta otyrǵan bastaýysh mektep bolatyn. Endi jańa mekteptiń salynýynyń arqasynda balalardy tasymaldap oqytý, ystyq tamaqpen qamtý máseleleri sheshimin tapty. Bul týraly Jetisý oblysy ákiminiń baspasóz qyzmeti málim etti.&nbsp;</p>

Qaratal aýylyndaǵy mekteptiń qurylysy ótken jyly sáýir aıynda bastalyp, bıylǵy jańa oqý jylyna paıdalanýǵa berilip otyr. Mektepte 12 oryndyq kitaphana, sport zal, 80 oryndy májilis zaly, 40 oryndy ashanaqarastyrylǵan. Munda jańa modıfıkatsııaly fızıka, hımııa, bıologııa jáne mýltımedııalyq kabınetter, aǵash ustalyǵyna, as pisirýge, kıim tigýge arnalǵan qural-jabdyqtarmen qamtylǵan sheberhanalar bar. Alańsyz bilim alýǵa barlyq múmkindikter jasalǵan osyndaı jańa bilim mekemesiniń ashylǵanyna oqýshylar da, muǵalimder de rıza.

— Qaratal bastaýysh mektebinde jumys istegenime 20 jyl boldy, dene shynyqtyrý páninen sabaq beremin. Sport zaldyń joqtyǵy sabaq ótkizýde birshama qıyndyq týdyratyn edi. Endi balalar arnaıy qural-jabdyqtary bar sport zalda jattyǵatyn bolady. Sol sııaqty buryn býfettik tamaqtandyrý bolsa, qazir jańa ǵımarattaǵy ashanada balalar ystyq tamaqpen qamtylady. Munyń bári balalardyń densaýlyǵyn nyǵaıtýǵa yqpal etedi. Bes júzdeı turǵyny bar shaǵyn aýylymyz úshin bul úlken qýanysh, — deıdi Qaratal mektebiniń muǵalimi Qusaıyn Kúreńov.

Foto: Jetisý oblysy ákiminiń baspasóz qyzmeti

Jańa mekteptiń ashylýyna baılanysty úlken synyptardaǵy balalardyń basqa aýyldardaǵy mektepterge tasymaldanyp oqytylý máselesi de sheshildi.

— Meniń 4 balam bar, onyń 3-eýi mektep jasynda, 1-eýi shaǵyn ortalyqqa barady. 9 synypqa kóshken úlken balam buǵan deıin Balpyq bı aýylyndaǵy mektepke baryp oqıtyn. Kúndelikti qatynaý árıne qolaısyz, arnaıy mektep avtobýsynyń tasymaly uıymdastyrylǵanymen, biz ata-ana retinde alańdap otyratynbyz. Endi eshqaıda barmaı-aq aýylymyzdaǵy jańa mektepte oqıdy. Ózim medıtsına salasynda eńbek etemin. Buryn shaǵyn ortalyq jarty kún ǵana jumys istedi, sondyqtan saǵat túski 12-den keıin kishi balamdy ne ájesi, ne balalarym qaraıtyn. Qazir jańa mekteptiń janyndaǵy ortalyqtyń keshke deıin jumys isteıtinin estip qýanyp otyrmyz, — deıdi aýyl turǵyny, ata-ana Aıgerim Túsipbekova.

Atap ótsek, jańa oqý jylynda mektep synyptaryna 107 bala, mektepke daıarlyq tobynda 10 bala, shaǵyn ortalyqqa 25 bala qabyldandy, 24 pedagog jumys jasaıdy.

Jalpy Jetisý oblysynyń ákimi Beıbit Isabaevtyń tapsyrmasymen óńirdegi bilim salasyn damytýǵa, sonyń ishinde nysandardyń qurylysy men kúrdeli jóndeýine, materıaldyq-tehnıkalyq bazasyn nyǵaıtýǵa, pedagogtardyń biliktiligin arttyrýǵa erekshe kóńil bólinip otyr. Bıyl bul salaǵa 21,5 mlrd. teńge qarastyryldy. Atap aıtqanda, 7 bilim berý nysanyn kúrdeli jóndeýge 6,5 mlrd. teńge, materıaldyq-tehnıkalyq bazany nyǵaıtýǵa 2,9 mlrd. teńge, oqýlyqtar men oqý-ádistemelik quraldardy satyp alýǵa 1,6 mlrd.teńge baǵyttaldy.

Eske salsaq, jyl sońyna deıin oblystyń Aqsý, Alakól, Panfılov aýdandarynda 3 mekteptiń qurylysy aıaqtalady dep kútilip otyr.