Jetisý oblysynyń ákimi 20 mıllıonynshy turǵynnyń ata-anasyn quttyqtady

<p>Qazaqstannyń 20 mıllıonynshy turǵyndarynyń biri Taldyqorǵan qalasynda ómirge keldi. Ázimbaevtar otbasynda tórtinshi perzent bolyp dúnıe esigin ashqan sábıdiń esimi &mdash; Aısultan, dep habarlaıdy <a href="Kazinform" target="_blank" rel="noopener">Kazinform.&nbsp;</a></p>

Búgin Taldyqorǵan perınataldyq ortalyǵyna barǵan oblys ákimi Beıbit Isabaev Ázimbaevtar otbasyn quttyqtady. 

— Aısultannyń baýy berik bolsyn. Aısultan tek sizderdiń ǵana emes, elimizdiń mártebesin ósiretin azamat bolsyn. Jańaryp jatqan Qazaqstannyń, elimizdiń jaqsylyǵy men qýanyshynyń kýágeri bolyp, aman-esen er jetsin. Sábıdiń ózine de, ata-anasy, sizderge de densaýlyq tileımin. Prezıdenttiń arnaıy quttyqtap joldaǵan syılyǵyn tapsyrýǵa ruqsat etińizder, — dedi Jetisý oblysynyń ákimi. 

Ol sondaı-aq jas otbasyna balanyń erekshe úlgidegi týý týraly kýáligin, Prezıdent joldaǵan syı-sııapat — balaǵa qajetti buıymdar men qolarba syıǵa tartty.

Foto: Dmıtrıı Erofeev

Sonymen qatar «Otbasy bank» AQ Jetisý oblysy fılıalynyń dırektory Jasulan Qurmanǵalıev Ázimbaevtarǵa 2 mln teńgeniń sertıfıkatyn usyndy.

— Men Taldyqorǵan qalasyndaǵy № 21751 áskerı bóliminde jaqyn aımaqtaǵy ushý basshysy bolyp qyzmet etemin. Ózim Shymkent óńirinenmin, osy áskerı jumysyma baılanysty Jetisý jerine turaqtadym. Taldyqorǵan áskerı bóliminde qyzmet etip kele jatqanyma on jyldan asty. Osy óńirde shańyraq kóterdim, balalarym osynda ómirge keldi. Búgin, mine, kópbalaly otbasy bolyp jatyrmyn. Sondyqtan Jetisý jeri maǵan árdaıym ystyq, — deıdi Aısultannyń ákesi Muhtar Ázimbaev.