Jetisý oblysynyń 8 mektebinen qyzylsha oshaǵy anyqtaldy

<p>Jetisý oblysynda qyzylshamen aýyrǵandar sany azaımaı otyr. Juqpaly dert balalar arasynda órship tur, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Oblystyq sanıtarlyq-epıdemıologııalyq qadaǵalaý departamentiniń málimetinshe, óńirde qyzylshamen aýyrǵan naýqastyń sany 345 adamǵa jetken.

Onyń ishinde 15 mektep oqýshysy bar.

Aımaqtaǵy 8 mektepten jáne taǵy 8 mektepke deıingi tárbıe berý uıymynan juqpaly derttiń oshaǵy anyqtalǵan

- Syrqattanýdyń joǵary deńgeıi Taldyqorǵan qalasynda, Alakól, Panfılov aýdandarynda baıqalady. Qazir juqpaly aýrý 8 mektepte tirkelip, 15 oqýshy aýyryp jatyr. Sondaı-aq 8 mektepke deıingi tárbıe uıymyndaǵy 10 baladan qyzylsha belgisi tabyldy. Óńirde qyzylshaǵa qarsy jappaı qosymsha ımmýndaý júrip jatyr, - deıdi Jetisý oblysy sanıtarlyq-epıdemıologııalyq qadaǵalaý departamenti basshysynyń orynbasary Indıra Kúnbasova.