Jetisý oblysyndaǵy jazǵy lagerlerdiń birinen shý shyqty

<p>TALDYQORǴAN.KAZINFORM &ndash; Jetisý oblysy Tekeli qalasyndaǵy &laquo;Bastaý&raquo; lageriniń jumysyna ata-analar razy emes. Úshtóbe qalasynyń turǵyny Sánııa Aqqýjınanyń aıtýynsha, ol balasyn dál osy jazǵy saýyqtyrý orynyna jiberipti. Degenmen, 8 shilde kúni ulyn demalys orynynan alyp ketýge májbúr bolǵan.&nbsp;</p>

«Meniń ulym bul demalysty uzaq kútti. Qýanyp shyǵaryp saldyq. Biraq 7 shilde kúni maǵan balam lagerde tamaq durys emes ekenin jáne eshqandaı jaǵdaı jasalmaǵany jaıly aıtty. Esh oılanbastan ertesi emizýli balammen sol jerge bardym. Meniń ǵana balam emes, barlyq balalardyń kóńilinen shqypaǵan. Tamaq ýaqtyly berilmeıdi. Tipti, ishte dárethana joq. Bastaý lagerine kóbinese ataýly áleýmettik kómek alatyn balalar barǵan. Nege ondaı balalardyń jaǵdaıyn jasamaıdy?» - dedi Jetisý oblysynyń turǵyny Sanııa Aqqýjına.

Sondaı-aq, ol atalmysh lagerde balalarǵa arnalǵan oıyn-saýyq baǵdarlamalary júrgizilmegenin aıtady. Tipti, ondaǵy oqýshylar kıimderin muzdaı sýǵa jýǵan.

Al, bul máselege qatysty Qaratal aýdandyq bilim bólimi bylaı dep jaýap berdi:

«2024 jyldyń 19 maýsymynda 20 bala jospar boıynsha Tekeli qalasyndaǵy «Bastaý» jazǵy saýyqtyrý lagerine jiberildi. 27 maýsymda bul lagerge 39 bala jiberildi. 5 shildede 60 bala jiberildi. Lagerge demalýǵa barǵan balalardyń ata-analary tarapynan buǵan deıin shaǵym túsken joq. Osy ýaqytqa deıin bilim bólimi, ata-analar, mektep dırektorlary lagerdiń jaǵdaıyn baqylaýǵa alǵan. Degenmen, baqylaý barysynda kemshilikter bolǵan joq» - dedi, Qaratal aýdandyq bilim bólimi.

Aıta keteıik, buǵan deıin Oraldaǵy lagerde balany soqqyǵa jyqqan tálimger jaıly jazǵan bolatynbyz.