Jetisý oblysyndaǵy ózenderde sý deńgeıi joǵarylady

<p>JETІSÝ OBLYSY. KAZINFORM - 20 mamyrda jaýyn-shashyn saldarynan Kóksý ózeninde sý deńgeıi kóterildi.&nbsp;</p>

Mamandardyń sózinshe, Qarataldan sekýndyna 174, al Kóksýdan sekýndyna 332 tekshe metr sý aqty. Ózen mańyndaǵy eldi-mekenderdi sý shaıý qaýpin boldyrmaý úshin jergilikti atqarýshy organdar men oblystyq tótenshe jaǵdaılar departamenti, “QazAvtoJol” oblystyq fılıaly bógetti iri tastarmen japty.

1500 tonna topyraq tógilip, 420 tonna beton plıtalar tóseldi. Atalmysh jumystarǵa 75 adam jáne 43 arnaıy tehnıka jumyldyryldy.

Jetisý oblystyq tótenshe jaǵdaılar basqarmasy kún raıynyń jańbyrly bolýyna baılanysty turǵyndarǵa taýly aımaqqa shyqpaý kerektigin eskertedi.

“Kúndiz bastalǵan jumystar men ýaqtyly qabyldanǵan sharalardyń nátıjesinde osy ýaqytta eldi mekenderdi sý basý qaýpi tónip turǵan joq.Jaǵdaı turaqty jáne jaýapty organ mamandarynyń turaqty baqylaýynda.” - dedi, Jetisi oblystyq TJD baspasóz qyzmeti.