Jetisý oblysyndaǵy medıtsınalyq uıymdarǵa 29 sanıtarlyq kólik tabystaldy

<p>TALDYQORǴAN.KAZINRORM - Jańa avtokólik kilti Aqsý, Alakól, Eskeldi, Kerbulaq, Kóksý, Panfılov, Sarqan, Qaratal aýdandyq ortalyq aýrýhanalaryna, sonyń ishinde aýyldyq medıtsınalyq mekemelerge, Taldyqorǵan qalalyq emhanasyna, Taldyqorǵan qalalyq kópsalaly aýrýhanasyna, oblystyq kópsalaly klınıka men oblystyq ftızıopýlmonologııalyq ortalyqqa tabystaldy.</p>

- Halyqtyń densaýlyǵyn saqtaý, medıtsınalyq qyzmetti der kezinde kórsetýge jaǵdaı jasaý, onyń qoljetimdiligi men sapasyn arttyrý – bizdiń basty mindetterimizdiń biri. Búgin óńirlerdegi medıtsına mekemelerine sanıtarlyq avtokólikterdiń kiltin tapsyramyz. Byltyr da 29 jedel járdem kóligin mekemelerge bergen edik. Alǵashqy medıtsınalyq kómektiń sapasyn arttyrýǵa qoldaý kórsetýdi budan ári de jalǵastyratyn bolamyz, - dedi aımaq basshysy Beıbit Isabaev.

Atap ótsek, bıyl oblysta 94 medıtsınalyq nysan iske qosylmaq. Onyń 59-y “Aýylda densaýlyq saqtaýdy jańǵyrtý” Ulttyq jobasy sheńberinde berilse, alǵashqy medıtsınalyq-sanıtarlyq kómek jelisin keńeıtý úshin aýyldyq jerlerde 27 blokty-modýldi nysan turǵyzylmaq. Sondaı aq, Taldyqorǵanda jańa zamanaýı onkologııalyq ortalyq salynady.

Al, shalǵaı aýyldardaǵy jas mamandardy qoldaý úshin olarǵa 10 mıllıon teńge kóleminde bir rettik kótermeaqy beride bastaldy. Búginde Alakól, Sarqan aýdandary men Taldyqorǵan qalasyna kelgen 5 maman syıaqy alyp úlgerdi.

Aıta keteıik, bıyl elimizdegi 10 570 jas dáriger oqýyn támamdap, dıplom alǵany jaıly jazǵan edik.