Jetisý oblysynda júzden astam jasóspirim zańsyz ákimshilik jaýapqa tartyldy

<p>TALDYQORǴAN. KAZINFORM &ndash; Taldyqorǵan qalasynyń prokýrorlary &nbsp;kámeletke tolmaǵandardy ákimshilik jaýapkershilikke zańsyz tartý faktisin anyqtady.</p>

«Ýákiletti organ Ákimshilik quqyq buzýshylyq týraly kodekstiń talaptaryn buza otyryp, ÁQBtK-niń 615, 492, 620-baptary boıynsha 16-17 jas aralyǵyndaǵy 107 kámeletke tolmaǵan jasósipirimge qatysty ákimshilik hattama toltyrý kezinde qorǵaýshylardyń mindetti qatysýyn qamtamasyz etpegen. Kámeletke tolmaǵandar aıyppul jáne eskertý túrindegi ákimshilik jaýapqa tartylǵan», - dep atap ótti vedomstvodan.

Prokýratýra anyqtaǵan qaýlylardyń kúshi joıylyp, kámeletke tolmaǵandardyń quqyqtary qorǵaldy.

«Qadaǵalaý aktisi boıynsha 21 laýazymdy tulǵa tártiptik jaýapkershilikke tartyldy. Qazir aıyppuldardy qaıtarý máselesi qaralyp jatyr», - delingen habarlamada.