Jetisý oblysynda júk kólikteri soqtyǵysyp, 16 kólik janyp ketti

<p>TALDYQORǴAN. KAZINFORM &ndash; Jetisý oblystyq polıtsııa departamentiniń habarlaýynsha,&nbsp; búgin 23 tamyzda saǵat 18:15 shamasynda &laquo;Batys Eýropa - Batys Qytaı&raquo; avtojolynyń 278 -shaqyrymynda&nbsp; jol-kólik oqıǵasy boldy.</p>

Eki júk kóligi soǵylyp, 16 kólik órtenip ketti. Onyń 14-i júk kólikterine tıelgen jeńil avtokólikter bolǵan. 

Foto: Jetisý oblysy PD

«Birinshi avtokóliktiń júrgizýshisi aman, ekinshi avtokólik júrgizýshisiniń taǵdyry belgisiz. Tótenshe jaǵdaılar departamenti qyzmetkerleri órt sóndirip jatyr. Oqıǵa sebebi anyqtalyp jatyr», - deıdi Jetisý oblystyq PD JPQB bastyǵy Qaısar Mýhmetov.

Oblystyq polıtsııa departamentiniń málimetinshe, bul sońǵy úsh kúnde adam ólimimen aıaqtalǵan 4-jol kólik oqıǵasy. 

Buǵan deıin Jetisý oblysynda medıtsınalyq uıymdarǵa 29 jańa kólik berilgenin jazǵan bolatynbyz.

Foto: Jetisý oblysy PD