Jetisý oblysynda jol apatynan tórt adam mert boldy

<p>ASTANA.KAZINFORM &mdash; Aqsý aýdanyndaǵy Almaty-Óskemen tas jolynyń 336-shaqyrymynda jol apaty bolyp, saldarynan tórt adam qaza tapty. Bul týraly oblystyq polıtsııa departamenti habarlady.</p>

Aldyn ala boljam boıynsha Lada Priora júrgizýshisi qarsy jolaqqa shyǵyp ketip, Toyota Windom kóligimen soqtyǵysqan.

Oqıǵa saldarynan Lada Priora júrgizýshisi, onyń eki jolaýshysy, sondaı-aq Toyota Windom kóliginiń bir jolaýshysy qaza tapty. Zardap shekken bes adam aýdandyq aýrýhanaǵa jetkizildi. Oqıǵanyń mán-jaıy, qaza tapqandar men zardap shekkenderdiń jeke tulǵasy anyqtalyp jatyr.

Oqıǵaǵa qatysty qylmystyq is qozǵalyp, qajetti saraptama taǵaıyndaldy.