Jetisý oblysynda jol apatynan bir adam kóz jumdy

<p>TALDYQORǴAN. KAZINFORM &mdash; Eskeldi aýdanynda jol kólik oqıǵasynan bir adam kóz jumdy. Quzyrly organ ókilderi sotqa deıingi tergep-tekserýdiń bastalǵanyn málimdedi.</p>

Jol kólik oqıǵasy 4 jeltoqsan kúni Balpyq Bı — Qarabulaq avtojolynyń 44-shi shaqyrymynda bolǵan. Oblystyq polıtsııa departamentiniń dereginshe, Mercedes avtokóliginiń júrgizýshisi joldyń qarsy jolaǵyna shyǵyp, qarama-qarsy baǵytta kele jatqan K-700 mamandandyrylǵan tehnıkasymen soqtyǵysqan. 

— Balpyq bı- Qarabulaq avtojolynda tirkelgen jol-kólik oqıǵasy deregi boıynsha sotqa deıingi tergep-tekserý bastaldy. Jeńil avtokólik júrgizýshisi oqıǵa ornynda qaıtys boldy. Kólik quraldary aıyp turaǵyna jetkizildi. Júrgizýshilerge jol qozǵalysy erejelerin qatań saqtaýdy eskertemiz, - delingen Jetisý oblystyq polıtsııa departamenti málimetinde. 

Eske salaıyq osyǵan deıin Jetisý oblysynda iri jol apatynan 2 adam kóz jumyp, 6 adam jaraqat alǵanyn jáne Jetisýda bıyl oblystyq deńgeıdegi 193 shaqyrym jol jóndeý jumystarynyń aıaqtalǵanyn jazǵanbyz.