Jetisý oblysynda jylytý maýsymy bastalǵaly 101 órt tirkeldi

<p>TALDYQORǴAN. KAZINFORM - Jetisýda bıyl órt oqıǵasynyń kórsetkishi men adam shyǵyny artqan. Jylytý maýsymynda ıis tıip ( ýly gazdan) ýlanýdyń 2 jaǵdaıy tirkelip, 3 adam qaıtys boldy.</p>

Oblystyq tótenshe jaǵdaılar departamentiniń málimetinshe, óńirde órt jaǵdaılarynyń sany artqan. 2023-2024 jyldar aralyǵynda 89 jaǵdaı tirkelse, osy kezeńmen salystyrǵanda bıylǵy kórsetkish 3%-ǵa artyp, jylytý maýsymynda 101 órt tirkeldi.

- Órt oqıǵalary saldarynan 9 adam kóz jumyp, 5 adam jaraqat aldy. Bul kórsetkishter de aıtarlyqtaı ósken. Ólim-jitim 3 ese kóbeıse (2023-2024 jyldary – 3 adam), jaraqat alǵandar sany 5 esege artty (2023-2024 jyldary – 1 adam). Jylytý maýsymynda gazdan ýlanýdyń 2 jaǵdaıy tirkelip, 3 adam qaza taýyp, 1 adam jaraqat aldy, - dedi Jetisý oblystyq tótenshe jaǵdaılar departamentiniń baspasóz qyzmeti.

Eske salaıyq, osyǵan deıin jeke turǵyn úıde tabıǵı gaz jarylyp, 1 adam qaıtys bolǵanyn jazǵanbyz.