Jetisý oblysynda jańa HQKO ashyldy

<p>&laquo;Azamattarǵa arnalǵan úkimet&raquo; Memlekettik korporatsııasy&raquo; KEAQ Jetisý oblysy boıynsha fılıaly, oblys ákimdigimen birlesip Kóksý aýdany Balpyq bı aýyly, Balpyq bı kóshesi, 10v meken jaıynda jańa HQKO ashyldy, dep habarlaıdy <a href="Kazinform" target="_blank" rel="noopener">Kazinform.</a>&nbsp;</p>

Aıta keteıik, buǵan deıin azamattardy Izmaıylov kóshesi, 10 mekenjaıy boıynsha qabyldaǵan bolatyn. Jańa eki qabatty ortalyqtyń aýdany 1 200 sharshy metrdi quraıdy, bul aldyńǵy ortalyqtan úsh ese kóp. Birinshi qabatta HQKO ornalasqan, ekinshi qabatta AHAT, áleýmettik qamsyzdandyrý jáne jer kadastry qyzmetteri kórsetiledi. 

Jańa HQKO birneshe sektorǵa bólingen. E-otinish ortalyǵynda memlekettik organǵa elektrondyq ótinish berýge, berý aımaǵynda – daıyn qujatty alýǵa, al jaılylyq aımaǵynda qyzmet alýshylar operatordyń kómeginsiz Elektrondyq úkimet portaly, «Mobıldik HQKO» qosymshasy jáne eGov mobile arqyly qyzmetterdi óz betinshe alýyna múmkindik bar. 

Foto: HQKO baspasóz qyzmeti

Erekshe qajettilikteri bar adamdar úshin jańa HQKO-da memlekettik qyzmetter kórsetý úshin pandýs, lıft jáne jeke tereze kózdelgen. Sonymen qatar ana men bala bólmesi de bar. Aıta keteıik, jańa HQKO-ǵa kúnine 200-ge jýyq aýyl turǵyny keledi dep boljanýda. 

Esterińizge sala keteıik, búginde Jetisý oblysynda 10 Halyqqa qyzmet kórsetý ortalyǵy jumys isteıdi. Jyl basynan beri oblys azamattaryna 270 myńǵa jýyq qyzmet kórsetilgen. 

Foto: HQKO baspasóz qyzmeti