Jetisý oblysynda vaktsınaǵa qatysty 11 laýazymdy tulǵa jaýapqa tartyldy

<p>TALDYQORǴAN. ASTANA. KAZINFORM &ndash; Jetisý oblysynyń prokýrorlary vaktsınatsııa týraly zańnamanyń buzylǵanyn anyqtady. Bul týraly oblystyq prokýratýranyń baspasóz qyzmeti málim etti.&nbsp;</p>

Oblystyń densaýlyq saqtaý salasyndaǵy prokýrorlary bıýdjet qarajatynyń tıimsiz jumsalǵanyn ári vaktsınatsııa týraly zańnamanyń buzylǵanyn sondaı-aq jalǵan vaktsınatsııa satyp alý faktilerin anyqtaǵan.

«Densaýlyq saqtaý salasyndaǵy jaýapty laýazymdy tulǵalardyń kinásinen qajetti vaktsınalar ýaqtyly satyp alynbaǵan, nátıjesinde bir jylǵa deıin 7 myńnan astam bala polıomıelıtke qarsy egilmegen» - delingen habarlamada. 

Budan ózge «A gepatıtine» qarsy preparattyń artyq mólsherine qaramastan, 2023 jyly 135 mln teńgeden astam somaǵa qosymsha 35 myń vaktsına satyp alynǵan.

Zań boıynsha vaktsınany saqtaý merzimi 6 aıdan aspaýy kerek.

Qadaǵalaý aktisine saı, oblystyń Densaýlyq saqtaý basqarmasy bastyǵynyń orynbasaryn qosa alǵanda, 11 laýazymdy tulǵa tártiptik jaýapkershilikke tartyldy. 126 tulǵa jalpy somasy 8,5 mln teńgege ákimshilik jaýapkershilikke tartyldy.