Jetisý oblysynda ustalǵan kúdiktige qatysty jańa derek shyqty

<p>Jetisý oblysynyń Sarqan aýdanynda keshe ustalǵan kúdiktige qatysty jańa derekter belgili boldy, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

Jergilikti polıtsııa eki kún boıy izdep, taý arasyna jasyrynǵan jerinen tapqan kúdiktiniń jasy otyz beste eken. Ol aýdan ortalyǵyndaǵy mektepterdiń birinde matematıka pániniń muǵalimi bolyp jumys istegen.

Kúdikti 14 jastaǵy ul balany Sarqan qalasyndaǵy qonaq úıge ertip baryp, zorlamaq bolǵan. Balanyń kómek suraǵan aıqaıyn estigen qonaq úı ákimshisi araǵa túsip, polıtsııa shaqyrǵan. Kúdikti qashyp úlgergen.

«Sumdyq habardy estip shoshyp otyrmyz. Sengiń kelmeıdi. Ol jigit on jyldaı boldy, ustazdyq etip júrdi. Ul balaǵa ári óziniń baldyzyna bulaı jasamaq boldy degeni aqylǵa sııar emes», - deıdi Kazinform tilshisine mán-jaıdy túsindirgen sarqandyq turǵyn.

Aıta keteıik, buǵan deıin Jetisý oblysynda jasóspirimge zorlyq jasaǵan kúdiktiniń ustalǵany týraly jazǵan bolatynbyz.