Jetisý oblysynda úsh kúnde 3 myńnan astam quqyq buzý deregi anyqtaldy

<p>Jetisý oblysynda &laquo;Quqyq tártibi&raquo; is-sharasy ótip jatyr. Óńir polıtsııasy ótken úsh kúnde 3 myńnan astam quqyq buzý jáne qylmysqa qatysty oqıǵalardy anyqtady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Quqyq tártibi» respýblıkalyq is-sharasy óńirlerdegi tártip pen talaptyń saqtalýy men quqyq buzý oqıǵalarynyń aldyn alýǵa baǵyttalǵan. Sondaı-aq is-shara aıasynda joldardaǵy kólik apatyn azaıtý, qoǵamdyq jaýapkershilikti arttyrý sııaqty mindetter de naqtylanǵan.

«Oblys aýmaǵynda krımınogendik jaǵdaıdy saýyqtyrýǵa, quqyq buzýshylyqtardyń aldyn alýǵa, sondaı-aq avtojoldardaǵy apatty azaıtýǵa baǵyttalǵan «Quqyq tártibi» respýblıkalyq aldyn alý is-sharasy jalǵasýda. Alǵashqy úsh kúnniń nátıjeleri boıynsha óńirde 28 qylmys ashyldy, sondaı-aq buryn respýblıkalyq izdeýde bolǵan bir qylmysker ustaldy. Buryn jasalǵan 14 qylmystyń beti ashyldy», - deıdi Jetisý oblysy Polıtsııa departamenti basshysynyń birinshi orynbasary Jasulan Baıkenov.

Tekserý nátıjesinde tártip saqshylary 2 879 ákimshilik quqyq buzýshylyqty anyqtaǵan. Sondaı-aq 56 otbasynda janjal shyǵarǵan tártip buzýshy jaýapqa tartyldy. Munan bólek qoǵamdyq oryndardy lastaýdyń 115 faktisi anyqtalǵan.

Sondaı-aq belgilenbegen oryndarda alkogol ishkeni úshin 126 adamǵa aıyppul salynypty. Osy úsh kún aralyǵynda mas kúıinde avtokólik basqarǵan 22 júrgizýshi anyqtalyp, ustaldy. Aıyp turaǵyna 43 avtokólik qoıylyp, 70 quqyq buzýshy medıtsınalyq aıyqtyrǵyshqa ornalastyryldy.