Jetisý oblysynda TJM qyzmetkerleri 25 balyqshyny qutqardy
14:58, 10 Qańtar 2025
<p>TALDYQORǴAN. KAZINFORM - Alakól aýdanynda muz ústine shyǵyp ketip, jaǵa jete almaı qalǵan 25 balyqshy qutqaryldy. Bul týraly Tótenshe jaǵdaılar mınıstrliginiń baspasóz qyzmeti málimdedi.</p>
- Alakól kólinde Aqshı aýyly men Kóktuma aýyly arasynda muz jarylyp, 25 balyqshy jaǵaǵa jete almaǵan. Oqıǵa ornyna jedel jetken qutqarýshylar qaıyqpen olardy jaǵaǵa jetkizdi. Qutqarylǵandarǵa medıtsınalyq kómek qajet bolǵan joq, - delingen habarlamada.
TJM qatpaǵan muz ústine shyǵýdyń adam ómiri úshin óte qaýipti ekenin, qys mezgilinde kól betine shyqqanda qaýipsizdik sharalaryn qatań saqtaýdy eskertedi.
Eske salaıyq osyǵan deıin Jetisý oblysynda qutqarýshylar 13 adamdy qar qursaýynan shyǵarǵanyn jáne Alakóldik qoryqshylar muz ústinde júre almaı qalǵan elikti qutqarǵanyn jazǵanbyz.