Jetisý oblysynda turmystyq zorlyq- zombylyq artqan

<p>TALDYQORǴAN. KAZINFORM &mdash; Oblys ákimi janyndaǵy áıelder isteri jáne otbasy-demografııalyq saıasat jónindegi komıssııanyń kezekti jıynynda óńirdegi áıelder quqyǵy men olardy jumyspen qamtý jaıy talqylandy.</p>

Jetisý oblysyndaǵy qyz-kelinshekterdiń qaýipsiz ómiri men turaqty qyzmetke ornalasýy jaıynda sóz qozǵalǵan jıynda jergilikti polıtsııa qyzmeti basqarmasy bastyǵynyń orynbasary, polıtsııa polkovnıgi Aıda Belgibaeva jyl basynan beri óńirde turmystyq zorlyq-zombylyqtyń artqanyn málimdedi. 

2024 jyldyń 10 aıynda otbasylyq kıkiljińnen týyndaǵan 117 qylmystyq is tirkelgen.

Al, Taldyqorǵandaǵy Turmystyq zorlyq-zombylyq qurbandaryna áleýmettik kómek kórsetý ortalyǵynyń dırektory Suńqar Qadyrovtyń aıtýynsha, jyl basynan beri mekemege 152 adam kelgen.

Onyń 43-iniń shaǵymy boıynsha qylmystyq is qozǵalǵan. Qazir ortalyqta áleýmettik qyzmet alyp jatqan 36 adamnyń ishinde balalar da bar. 

Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetine súıensek Jetisý oblysyndaǵy halyqtyń 51% nemese 351 myńy — áıel. 

Onyń 138 myńy eńbekke qabiletti.

Áıelder arasyndaǵy jumyssyzdyq kórsetkishi — 7%. 

Eske salaıyq, osyǵan deıin Taldyqorǵandaǵy beıimdeý ortalyǵynda 7 jasar balanyń denesinen útiktiń izi anyqtalǵanyn jazǵanbyz.