Jetisý oblysynda otbasy shyrqyn buzǵan 120 adam qamaldy

<p>Jetisý oblysynda turmystyq zorlyq-zombylyq oqıǵasy kóbeıip otyr. Byltyr 10 aıda myńnan astam derek tirkelse, polıtsııa bıylǵy 4 aı&nbsp;ishinde zorlyq-zombylyq boıynsha 841 is qozǵaǵan, dep habarlaıdy <a href="Kazinform." target="_blank" rel="noopener">Kazinform.</a></p>

Qazir Taldyqorǵandaǵy ýaqytsha ustaý mekemesinde otbasynyń shyrqyn buzǵan 120 adam ustalyp, qamaýda otyr. Polıtsııa ókilderi quqyqbuzý dereginiń kóbeıýine turmystyq zorlyq-zombylyqqa qatysty jazanyń qatańdatylýy sebep bolǵanyn aıtady. Tártip saqshylary tek jazalaý isinen bólek, aldyn alý men tárbıleýge de kóńil bólýde. 

Óńirde «Zorlyq-zombylyqsyz 16 kún» aktsııasy ótip jatyr. Іs-shara aıasynda ákimshilik jazasyn ótep jatqan adamdarmen arnaıy kezdesý uıymdastyrylýda. Qoǵamdyq uıym ókilderi, analar keńesiniń jetekshileri men teolog, psıhologtar ýaqytsha qamalǵan azamattarmen kezdesip, suhbattasyp, otbasyndaǵy urys-keristiń sebep-saldaryn anyqtap jatyr. Mamandar otbasylyq janjaldyń shyǵýy men áıelge álimjettik kórsetýdiń basty sebebi alkogoldik ishimdikti jıi qoldanǵandyqtan ekenin aıtady.

— Quqyq qorǵaýshylar men birge psıholog, teolog mamandar otbasylyq zorlyq-zombylyqtyń aldyn alýǵa jumylýda. Mamandar jazasyn ótep jatqan azamattarmen pikir almasyp, janjalǵa jol bermeýdiń, qylmystyń aldyn alýdyń joldaryn qarastyrady. Az da bolsa nátıjesi bar. Turmystyq zorlyq-zombylyqqa qatysty zań kúsheıtilgenge deıin erli-zaıyptylar bir-birimen tatýlasyp, ekinshi tarap keshirim berip, kóp jaǵdaıda azamattar qamaýǵa alý jazasynan qutylyp ketetin. Qaıtadan dál sondaı quqyqbuzýshylyq jasaýǵa baratyn. Al qazir jaza qatańdatyldy. Sot janjal shyǵarǵan adamǵa birden úkim shyǵaryp, qamaýǵa alady, — deıdi Jetisý oblysy jergilikti polıtsııa basqarmasynyń basshysy Qaısar Muhmetov.