Jetisý oblysynda órtenip jatqan páterden eki bala qutqaryldy

<p>ALMATY. KAZINFORM &mdash; Jetisýlyq qutqarýshylar órtenip jatqan páterden eki balany qutqardy.</p>

Oblystyq Tótenshe jaǵdaılar departamentiniń málimetinshe, 7 naýryz kúni saǵat 10:18-de Alakól aýdany Úsharal qalasyndaǵy kópqabatty turǵyn úılerdiń birinde páter órtenip jatqany týraly habarlama kelip túsken.

«Qabyldanǵan sharalar barysynda baspaldaq marshy arqyly eki azamat qutqaryldy. Úsh tizeli baspaldaq arqyly eki bala qutqarylyp, jedel medıtsınalyq kómek qyzmetkerlerine tapsyryldy», - dep habarlady vedomstvodan.

Órt sóndirý bólimderi kelgenge deıin 40 azamat, onyń ishinde 16 bala turǵyn úıden óz betinshe evakýatsııalanǵan. 20 sharshy metr aýmaqty qamtyǵan órt saǵat 10:57-de sóndirildi.

Órttiń shyǵý sebebi anyqtalyp jatyr.