Jetisý oblysynda «máseleńdi sheship berem» dep aqsha alǵan prokýrorǵa úkim shyqty

<p>TALDYQORǴAN. KAZINFORM &mdash; Qyzmet babyn paıdalana otyryp, alaıaqtyqpen aınalysty degen kúdikke ilingen prokýrordyń isi Taldyqorǵan qalalyq sotynda qaraldy. Quzyrly organ málimetinshe, eks-shendi tanysynyń qylmystyq isin ońdy sheshýge kómektesýge ýáde berip, onyń 2 mln teńgege jýyq qarajatyn alaıaqtyq jolmen alǵany dáleldendi.</p>

Sottalýshy óz kinásin moıyndap, kelgen zııandy tolyq ótegen. Jábirlenýshi sottalýshyny keshirgen.

Sýdıa burynǵy prokýrordy kináli dep tanyp (QR QK 190-bap 3-bólim, 2 tarmaq), oǵan 19 463 180 teńge aıyppul túrinde jaza taǵaıyndady.

«8 maýsym A. Taldyqorǵan qalasynda bola turyp, oblystyq prokýratýranyń memlekettik aıyptaýdy qamtamasyz etý basqarmasynyń laýazymdy tulǵasy, prokýror bola tura, óziniń qyzmettik babyn paıdalanyp aldaý arqyly bótenniń múlkin jymqyrý maqsatynda qylmystyq maqsatty kózdegen. Osy maqsatpen A. qyzyqtyrǵan qylmystyq isti ondy sheshýge kómektesýge ýáde berip, óziniń tanysy K-ny jańylystyrǵan. Alaıda, A-nyń isti tergeýge qatysýǵa eshqandaı nıeti bolǵan joq. Osylaısha A. onyń 1,9 mln teńgeden astam qarajatyn alaıaqtyq jolmen ıemdendi» dep habarlady Taldyqorǵan qalalyq sotynyń baspasóz qyzmeti.

Eks-prokýror QK 49-babynyń 1-babyna sáıkes «kishi ádilet keńesshisi» sheninen aıyryldy.

Sondaı-aq, ol endi eshqashan memlekettik qyzmet atqara almaıdy. 

Eske sala keteıik, buǵan deıin Almatyda iri esirtki zerthanasyn ashqan adam sottalǵanyn jazǵanbyz.