Jetisý oblysynda kólik apatynan 2 adam qaıtys boldy

<p>TALDYQORǴAN. KAZINFORM - Jetisý oblysynda iri jol apatynan 2 adam kóz jumyp, 6 adam jaraqat aldy. Jergilikti polıtsııa qyzmetkerleri júrgizýshilirge jolda muqııat bolýdy eskertedi.</p>

Jol-kólik oqıǵasy 16-qarasha kúni túnde bolǵan. Jetisý oblystyq polıtsııa departamentiniń dereginshe, Kóksý aýdanyndaǵy Jarlyózek aýylynda MT3-80 traktory Volkswagen Passat jáne Toyota Carina jeńil kólikterimen soqtyǵysyp, apat saldarynan 2 jolaýshy oqıǵa ornynda qaza tapqan. 6 adam jaraqat alyp, aýrýhanaǵa jatqyzyldy.

Jol polıtsııasy qys mezgilinde jyldamdyq rejımin qatań saqtap, kólikterdiń maýsymdyq daıyndyǵyn ýaqytyly jasaýdy eskertedi.

Jol-kólik oqıǵasy boıynsha sotqa deıingi tergep-tekserý bastaldy.

Eske salaıyq buǵan deıin Jetisý oblysynda jol kólik oqıǵasynan 3 adamnyń mert bolǵanyn jáne Qaraǵandy – Almaty tasjolynda jol apatynan 7 adamnyń kóz jumǵanyn jazǵanbyz.