Jetisý oblysynda qazaqsha úırenýshiler qatary kóbeıdi

<p>&nbsp;Jetisý oblysynda memlekettik tildi úırenýshiler qatary kóbeıip keledi. Byltyr &laquo;Til&raquo; oqý-ádistemelik ortalyǵynyń kýrstaryna qazaqsha úırený úshin 818 adam jazylsa, bıyl bul san 2267 adamǵa jetken, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Óńirde byltyrdan bastap qazaq tilin qysqa merzimde oqytý jobasy – «Qazaqsha sóıleıik!» sóıleý praktıkasynyń klýby jumys isteı bastaǵan. Bul klýb tyńdaýshylarǵa 1 jarym aı ishinde qazaq tilinde sóıleýdi qarapaıym deńgeıde úırenýge, birtindep aýyzsha sóıleýdi meńgerýge kómektesedi. Nátıjesinde úırenýshiler tildik kedergini eńserýge járdemdesip qana qoımaı, ári qaraı oqýǵa múmkindik alady.

Foto: Jetisý oblysynyń «Til» oqý-ádistemelik ortalyǵy

Taldyqorǵandaǵy «Til» ortalyǵynyń oqytýshysy Janar Elesbaevanyń aıtýynsha, oqytý ádistemesiniń sóılesýge yńǵaıly bolýy adamdardyń til úırenýge degen yntasyn arttyrady eken.

«Bizge qyzmet kórsetý salasynda jumys isteıtin turǵyndar jıi júginedi. Birinshi kezekte olar qarapaıym turmysta aıtylatyn sóılemderge ıek arta otyryp, shashtarazda, kafede, emhanada, dúkende jáne jumys oryndarynda óz klıentterimen baılanys jasaýdy úırenedi. Sóıleý klýbyndaǵy oqytý ádistemesi osy prıntsıpke negizdelgen. Biz tegin oqytamyz. Ótken jyly osy baǵdarlamamen 392 tyńdaýshy bilim aldy, bıyl da shamamen 400-ge jýyq tyńdaýshy bolady, - deıdi Janar Elesbaeva.

Foto: Jetisý oblysynyń «Til» oqý-ádistemelik ortalyǵy.

 

Sondaı-aq «Til» oqý-ádistemelik ortalyǵynda memlekettik tilden bólek oryssha jáne aǵylshynsha úırenýge de múmkindik bar. Qazir ortalyqtyń Taldyqorǵandaǵy jáne aýdandaǵy fılıaldarynda qazaq, orys jáne aǵylshyn tilderin úsh myńǵa jýyq adam úırenip júr eken.