Jetisý oblysynda ınternet alaıaqtarǵa SIM-kartalar daıyndaıtyn top ustaldy

<p>TALDYQORǴAN. KAZINFORM-Qylmystyq top SIM-kartalardy tirkep, alaıaqtarǵa satqan. Ár karta 500-1500 teńgege baǵalanyp, telegram-kanaldar arqyly saýdalanǵan.</p>

Kúdiktiler 24 jáne 25 jastaǵy jetisýlyqtar. Olar kúnine 10-nan 100-ge deıin SIM-karta tirkegen kórinedi. Tintý barysynda 17 uıaly telefon, 2 noýtbýk, 1 modem, 1000-ǵa jýyq SIM-karta tárkilendi.

Foto: Jetisý oblystyq polıtsııa departamenti

- Qylmys kelesi shema boıynsha júzege asyrylǵan: kúdiktiler ózderiniń jeke derekterin paıdalanyp, Tele2 qosymshasy arqyly abonenttik nómirlerdi tirkegen. Sodan keıin basqa qosymshalardy qoldana otyryp, nómirlerdi iske qosyp, SIM-kartany saýdalaǵan. Jedel-izdestirý is-sharalarynyń nátıjesinde Jetisý oblysynyń eki turǵyny – 24 jáne 25 jastaǵy er adamdar ustaldy. Olardyń biri Jambyl aýylynda, ekinshisi Qaratal aýdanynyń Dostyq aýylynda turǵan, - deıdi Jetisý oblystyq polıtsııa departamentiniń baspasóz qyzmeti.

Eske salaıyq, osyǵan deıin Jetisý oblysynda 7 jyl boıy halyqaralyq izdeýde júrgen ýchaskelik polıtsııa qyzmetkeriniń sottalǵanyn jazǵanbyz.

Foto: Jetisý oblystyq polıtsııa departamenti