Jetisýda ımamdar tapshy
Oblystyń bas ımamy 12 aýyldaǵy musylmandardyń qulshylyq úıinde ımamnyń joqtyǵyn aıtty. Bul ásirese aýdan, qalalardan jyraq jatqan shalǵaı aýyldardaǵy ózekti másele eken.
«Ótken jyldary ımam sany 250 ge jetpeıtin qazir molda, azanshylardy qosqanda qyzmetkerler sany 280 ge jýyqtady. Sonyń ózinde ımam tapshylyǵy bar. Bıyldyń ózinde ýnıversıtet, kolledjderden 14 túlek qyzmetke keldi. Imamdarǵa jalpy jalaqy tólenbeıdi. Úlken qalalyq, aýdandyq meshitegilerge ǵana eń tómengi jalaqy 74569 teńge tólenedi. QMDB tarapynan bitirýshi barlyq jas ımamdarǵa aılyq taǵaıyndaımyz degen ony qolǵa alyp jatyr. Biz oblys ákimmen kelise otyryp, joǵaryda aıtqan 14 jas din qyzmetkerleriniń eki-úsheýin ýaqytsha tursa da baspanamen qamtamasyz ettik» — dedi Jetisý óńiri boıynsha bas ımam Kerimbek Dáýitov.
Oblystaǵy ımamdar dinı saýatyn arttyrý maqsatynda Almatydaǵy ıslam ınstıtýtyna 2 aılyq kýrsqa jiberilip turady eken. Qazirdiń ózinde 4-5 ımam sonda oqyp jatyr. Eki ımam doktarantýrada, onyń biri dıssertatsııasyn qorǵaýǵa Túrkııada bilikti ustazdardan bilim alýda. 10 joǵary bilimdi, magıstr bar. Tamyz aıynda attestatsııadan ótken 27 ımam qazir din jolyndaǵy qyzmetterin jalǵastyryp jatyr. Eske salaıyq buǵan deıin Buǵan Qostanaı oblysynyń bas ımamy mas bolyp kólik júrgizgeni úshin 15 táýlikke qamalǵanyn jáne Jetisý oblysynda ımamdardyń jappaı attestatsııadan ótip jatqanyn jazǵanbyz.