Jetisý oblysynda esirtki saqtaǵan 33 jastaǵy er adam ustaldy

<p>TALDYQORǴAN. KAZINFORM - Polıtsııa departamenti ekstremızmge qarsy is-qımyl basqarmasynyń qyzmetkerleri Jetisý oblysy UQKD qyzmetkerlerimen birlesip, sıntetıkalyq esirtki saqtaýǵa qatysy bar 33 jastaǵy kúdikti er adamdy ustady. Kúdiktiniń turǵylyqty jerin tintý barysynda erekshe ıisi bar, aq tústi untaq zat tabyldy.</p>

Tutqyndaý barysynda kúdikti quqyq qorǵaý organ qyzmetkerlerine jınalmaly pyshaqpen qarsylyq kórsetken. Alaıda, "Arlan" arnaıy jasaǵynyń kásibı áreketteri nátıjesinde er adam ustalyp, jınalmaly pyshaq zattaı dálel retinde tárkilendi.

Jetisý oblystyq polıtsııa departamentiniń baspasóz qyzmetiniń málimetinshe, kúdikti azamattyń turǵylyqty jerin tintý barysynda erekshe ıisi bar aq tústi untaq zat tabylǵan. Tárkilengen zat sot-hımııalyq saraptamanyń qorytyndysyna sáıkes, sıntetıkalyq esirtki tektes «mefedron» ekeni anyqtaldy. Jalpy salmaǵy shamamen alty gramm. Qazirgi ýaqytta, kúdiktige qamaýǵa alý bultartpaý sharasy taǵaıyndaldy. Tergeý áreketteri júrgizilýde.

Eske salaıyq, buǵan deıin «Altynkól» shekara beketinen 80 myń ampýlany zańsyz ótkizbek bolǵandardyń ustalǵanyn jazǵanbyz.