Jetisý oblysynda destrýktıvti dinı aǵym ókili esirtkimen ustaldy

<p>Jetisý oblysynyń polıtseıleri oblystyq UQKD qyzmetkerlerimen birlesip jáne prokýratýranyń úılestirýimen arnaıy quqyqtyq shara júrgizdi, dep habarlaıdy Kazinform.</p>

Nátıjesinde esirtki tasymaldaýmen aınalysqan Taldyqorǵan qalasynyń 33 jastaǵy turǵyny ustaldy. Tekserý barysynda ustalǵan adamǵa tıesili avtokóliktiń júksalǵyshynda ósimdik tektes zat salynǵan paket tabylyp, tárkilendi.

- Er adamnyń destrýktıvti dinı aǵymnyń jaqtaýshysy ekeni anyqtaldy. Qazir esirtkini zańsyz saqtaý jáne ótkizý faktisi boıynsha qylmystyq is qozǵaldy, - dedi oblystyq PD ekstremızmge qarsy is-qımyl basqarmasy.

Júrgizilgen saraptama tárkilengen zattyń salmaǵy 2 kg 722 gramm bolatyn marıhýana ekenin kórsetti.