Jetisý oblysynda boryshkerlerdiń jalaqysynan 7 balanyń alımentin ustamaǵan esepshiler jaýapqa tartyldy

<p>TALDYQORǴAN. KAZINFORM &mdash; Jetisý oblysynyń prokýrorlary quqyǵy buzylyp, zańsyz alımentten qaǵylǵan jeti balanyń quqyǵyn qorǵady. Bul týraly oblystyq prokýratýranyń baspasóz qyzmeti málim etti.&nbsp;</p>

Jetisý oblysy Sarqan aýdanynyń prokýrorlary balalardyń quqyqtarynyń buzylǵanyn anyqtady. 

Máselen Qazaqstan Respýblıkasy «Atqarýshylyq is júrgizý jáne sot oryndaýshylarynyń mártebesi týraly» Zańynyń 128-babynyń talaptaryn buza otyryp, uıymnyń býhgalterleri boryshkerlerdiń jalaqysynan 7 balany asyraý úshin alıment ustamaǵan. 

Qaryz somasy 553 myń teńgeni qurady.

Prokýrorlyq qadaǵalaý aktileri boıynsha balalarǵa arnalǵan qarajat aýdarylyp, býhgalterler ákimshilik jaýapkershilikke tartyldy.

Eske sala keteıik, buǵan deıin Soltústik Qazaqstan oblysynyń prokýrolary alımentti qasaqana tólemeýshilerdiń jasyryn kiristerin anyqtaǵanyn jazǵan bolatynbyz. 

Alımentshiler balalaryna kóp mıllıondyq qaryzy bar bola tura, býkmekerlik keńselerde qumar oıyndarǵa kóp aqsha salyp, óz mindettemelerin elemeıtini anyqtalǵan edi.